Come se quel che xe
èsser dovesse ancora
come se quel
che ga da èsser
fusse quelo che xe
come se tra mi e ti
ghe fusse tuto
e no ghe fusse gnente
come se fontana che ride
e putelo che pianze
e omo che lavora
e s-ciantìso che fulmina
fusse ‘na roba sola
che no se pol cambiar
come se ne tocasse
restar par sempre
e vìvar con un senso
quel che senso no ga
come se
(Ernesto Calzavara, da Come se, 1974)