Steles Alpines (1984)
Lassù
sul clap
al basta
slungjâ
‘na man.
Al basta
slungjâ
al penseir.
Lassù
là ch’al riva
nome al ceil.
Steles alpines
lagrimes de nins
secjades de sorele
a scjampades in alt.
‘E sgorle li mans
indenant indavour
no me alce
soi massa pesant.
Steles alpines
la mê libertât
a no riva in tal vostre paeis.
Steles alpines
no ‘vei profum
pal gno nas.
E jo un’acuila
‘e no soi.
Ma ‘e ve jôt
dutes li formes
passâme denant
coma int’un film.
Steles alpines
se siere i vuoe
se no pense pì a nua
cuase cuase ‘e crout
che no esistei.
Federico Tavan, da Cràceles cròceles.